Novas


O GOBERNO NEDA ILUMINA A FACHADA DO CONCELLO COA BANDEIRA DO “ORGULLO”


Neda, 27 de Xuño de 2018. O Concello de Neda quere mostrar o seu apoio e agradecemento ás organizacións LGTBI iluminando, desde hoxe e ata a fin de semana, a fachada do Concello coa bandeira do “orgullo” coincidindo co día 28 de xuño, data na que se lembran as revoltas que no ano 1969 tiveron lugar en Stonewall (Nova Iorque) e que supuxeron o nacemento do movemento gai, lésbico, transexual e bisexual.
“Con elas loitaremos sempre por unha sociedade libre de homofobia, de discriminación e exclusión baseada na orientación sexual e na identidade de xénero”, argumenta o equipo de goberno para visualizar o seu apoio “nuns días de celebración e de loita”.
O executivo local tamén considera que a aprobación de leis como a do matrimonio igualitario (2005) e a de identidade de xénero (2007), que máis adiante serían imitadas pola maioría dos países occidentais, foi clave para que España deixase de ser un país no que se perseguía a homosexualidade e a transexualidade para se converter nun referente mundial nos dereitos destes colectivos.



A SEXTA MARCHA BTT FAMILIAR NEUTRALIZADA DE NEDA SERÁ O ESTE DOMINGO E SAIRÁ DO ROXAL

Neda, 27 de Xuño de 2018. O Concello de Neda participa na organización da Marcha BTT Familiar Neutralizada que, promovida pola Sociedade Deportiva e Recreativa O Roxal, terá lugar o próximo domingo e cuxa participación podería chegar ás cen persoas. O prazo de inscrición finaliza este venres.
“Coñecendo Neda en bicicleta” é o lema dunha iniciativa que este ano chega a súa sexta edición e que dará lugar a un percorrido duns 18 quilómetros, que terá como punto de partida as instalacións deportivas do Roxal e que despois discorrerá pola Fervenza, Mourela do Medio, Subarreiros, pazo da Merced e Silva, entre outros lugares do municipio de Neda. O menores de 14 anos tamén teñen a opción dun circuíto alternativo no Roxal.
É obrigatorio o uso de casco e, unha vez finalizada a proba deportiva, todos os participantes compartirán unha paella e disporán dun servizo de limpeza de bicicletas. A ADR Vara e Pedal colabora na organización dunha convocatoria que o ano pasado reuniu a máis de 90 participantes, ao marxe das persoas que toman parte no desenvolvemento da mesma.



A SEXTA MARCHA BTT FAMILIAR NEUTRALIZADA DE NEDA SERÁ O ESTE DOMINGO E SAIRÁ DO ROXAL

Neda, 27 de Xuño de 2018. O Concello de Neda participa na organización da Marcha BTT Familiar Neutralizada que, promovida pola Sociedade Deportiva e Recreativa O Roxal, terá lugar o próximo domingo e cuxa participación podería chegar ás cen persoas. O prazo de inscrición finaliza este venres. “Coñecendo Neda en bicicleta” é o lema dunha iniciativa que este ano chega a súa sexta edición e que dará lugar a un percorrido duns 18 quilómetros, que terá como punto de partida as instalacións deportivas do Roxal e que despois discorrerá pola Fervenza, Mourela do Medio, Subarreiros, pazo da Merced e Silva, entre outros lugares do municipio de Neda. O menores de 14 anos tamén teñen a opción dun circuíto alternativo no Roxal. É obrigatorio o uso de casco e, unha vez finalizada a proba deportiva, todos os participantes compartirán unha paella e disporán dun servizo de limpeza de bicicletas. A ADR Vara e Pedal colabora na organización dunha convocatoria que o ano pasado reuniu a máis de 90 participantes, ao marxe das persoas que toman parte no desenvolvemento da mesma.


NEDA VÉN DE AMPLIAR A 93 AS PRAZAS DO SERVIZO “CONCILIAMOS XOGANDO”

Neda, 26 de Xuño de 2018. Finalmente serán 93 nenos/as os que este ano tomarán parte no programa “Conciliamos Xogando” convocado polo Concello de Neda para contribuír á conciliación persoal, familiar e laboral das unidades familiares da localidade. Tal e como xa ocurreu na convocatoria do ano 2017, o goberno municipal veuse na obriga de ampliar o número de prazas, inicialmente previstas para 75 menores, pola gran demanda de peticións, un total de 106, “o que vén confirmar que a necesidade existe”, tal e como apunta o executivo local. En 2017 pasaron de 60 a 75. A maioría das peticións desestimadas foron as presentadas por familias de concellos limítrofes e, sobre esta cuestión, desde o goberno municipal recórdase que tiñan preferencia as locais, así como as que se atopan en situación de emerxencia social, monoparentais, nais e pais traballadores e as que teñen persoas dependentes ao seu cargo. Este programa de carácter gratuíto arrincará o próximo luns, día 2 de xullo, e está orientado á participación de menores con idades comprendidas entre os 3 e 12 anos. As instalacións do CEIP San Isidro acollerán un servizo que se desenvolverá de luns a venres, en horario de 8.45 a 13.45 horas, e que correrá a cargo dun grupo de profesionais da empresa Gazapos, que resultou adxudicataria dunha prestación que saíu a contratación por importe de 14.000 euros. Ata o martes día 31 do devandito mes, os 93 participantes tomarán parte en excursións, actividades ao aire libre, xogos tradicionais, manualidades e mañás na piscina municipal, así como en opcións de ocio relacionadas co medio ambiente e a reciclaxe. Estas dúas últimas actividades foron incluídas a petición do goberno municipal “por considerar que son materias que axudan a educar aos nenos/as no cuidado e conservación da natureza”.



O GRUPO INFANTIL DE TEATRO PECHA O CURSO COA OBRA ”E TI DE QUEN VÉS SENDO”

Neda, 21 de Xuño de 2018. Os trece alumnos do grupo infantil da Escola Municipal de Teatro de Neda pecharán o curso coa representación da obra “E ti de quen vés sendo”, de Cándido Pazó. Será este venres na Casa da Cultura. A función dará comezo ás 21.00 horas.
Os nenos e nenas actuarán baixo a dirección de Chus Prieto. É a profesora que está ao fronte do grupo desde que no mes outubro arrincara este primeiro curso da escola de Teatro cunha participación de máis de vinte persoas, entre menores e adultos.
A entrada é gratuíta, aínda que é obrigatoria a retirada de convites para controlar o aforo (máximo 120 persoas).
A obra conta a “peripecia do Anfitrión e o seu escravo cando son suplantados polos deuses Xúpiter e Mercurio mentres están na guerra. O motivo deste engano é o desexo amoroso de Xúpiter por Alomena, a muller de Anfitrión”.
O fin de curso dos maiores será o seguinte venres, día 29, e dará lugar á representación da obra “A pocema”, a partir das 20.30 horas na Casa da Cultura. Para asistir tamén será necesario recoller os convites na Casa da Cultura.


<<  Anterior  | 3  | 4  | 5  | 6  | 7  | Seguinte  >> 

Axenda


Festival Noite de Bolos

Tramites online