Novas


Espectáculo infantil con pompas xigantes de xabón este domingo a cargo de Malasombra

 O salón de actos da Casa da Cultura acollerá este domingo 27 de decembro ás 18,30 horas “Os fabulosos cleaners”, un extraordinario espectáculo teatral a cargo da compañía Malasombra con pompas xigantes de xabrón dirixido aos máis pequenos e pequenas da casa. O aforo será moi reducido e o espectáculo rexirase polo correspondente protocolo de prevención fronte á covid-19. Así, as persoas interesadas en asistir poderán adquirir as súas entradas dende hoxe e ata o mércores 22 de decembro na Casa da Cultura (en horario de 10 a 13 e de 16 a 20 horas). O prezo das mesmas é dun euro para o público infantil e de dous euros para o público adulto.

Trátase dunha fantástica experiencia visual para participar toda a familia. O autor alicantino Luis Beviá, que percorreu medio mundo co seu universo xabonoso (Londres, Hong-Kong, México, Colombia, Perú, Cuba, Grecia ou Islandia, entre outros) dirixe a parte técnica deste espectáculo. Nel, dous operarios da limpeza do teatro descobren por casualidade as posibilidades que lles ofrecen as súas ferramentas de traballo combinadas con auga e xabrón. O público sorprenderase e gozará con estas máxicas burbullas; pompas transparentes, con fume, vapor, pequenas, grandes… o espectador poderá camiñar da man destes dous personaxes por un mundo máxico, cheo de cor e de moito, moito humor. 



Aberto o prazo de inscrición no curso de conducción e manexo de grúa ponte/pórtico

 A Asociación de Empresarios Ferrolterra, na cidade naval, será sede o vindeiro 11 de xaneiro dun curso de conducción e manexo de grúa ponte/pórtico dirixido a persoas desempregadas e en activo maiores de 18 anos.

Así, as persoas interesadas en tomar parte poden inscribirse, antes do 30 de decembro, a través do correo mmartinez.orientacion@ferrol.es ou do teléfono do Servizo de Orientación Laboral de Neda, 627 586 101.



Os máis pequenos da casa protagonizarán en Neda un certame de debuxo sobre o Nadal

 O Concello de Neda organiza un certame de debuxo con contido centrado no Nadal, dirixido aos máis pequenos da casa. O lema da iniciativa, no que se han de inspirar os participantes non é outro que “En Nadal e Reis, libros e xoguetes”.

A proposta vai destinada a nenos e nenas de Neda que estean a cursar os últimos ciclos de educación infantil e todos os que estuden primaria. En función dos cursos, establécense ata catro categorías de participación: “A”, destinada ao alumnado de cuarto, quinto e sexto de infantil; “B”, para pequenos de primeiro e segundo de primaria; “C”, para os de terceiro e cuarto, e “D”, para quinto e sexto.
 
A tod@s convídaselles a que, aproveitando o tempo de vacacións, preparen unha ilustración, que verse sobre o lema do certame. A continuación, deberán facerlle unha foto e enviala, xunto cos seus datos persoais, a cultura@neda.gal ou ao 650484521, para ser compartidas a través das redes sociais municipais. Terán que entregar ademais, debidamente cubertos, o documento de cesión de uso das imaxes e a autorización de participación e uso de datos dos menores, ben de forma presencial na Casa da Cultura ben a través do correo electrónico.
 
O prazo de recepción dos traballos irá do 18 ao 27 de decembro. E co obxectivo de incentivar a participación, o Concello sorteará oito vales agasallo por valor de 80 euros (dous por categoría), que as persoas gañadoras deberán trocar nos establecementos asignados, precisamente por libros e xoguetes, ademais de por un cartucho de lambetadas.
 
“En Nadal e Reis, libros e xoguetes” completa, xunto ao certame de escaparates e fachadas, e máis o concurso de vídeos TikTok, o abano de propostas participativas coas que o goberno local busca celebrar este Nadal diferente, marcado pola covid-19.
 
 


Neda retoma o Servizo de Orientación Laboral

 O Concello de Neda vén de retomar o servizo de orientación laboral dirixido ás persoas demandantes de emprego. Así, as persoas interesadas no mesmo poden obter máis información ou concertar cita previa no teléfono 627 586 101. O horario de atención en Neda (na casa consistorial, Avenida de Alxeciras, 34) é o venres pola mañá de 9 a 14 h.

Neda comparte este servizo cos municipios de Ares, Mugardos e Valdoviño, a través dun programa da Mancomunidade e o apoio económico do Ministerio de Traballo e a Consellería de Emprego.

O servizo, en colaboración co Servizo Público de Emprego de Galicia, orienta, informa e asesora ás persoas demandantes de emprego no seu proceso de búsqueda activa de emprego e/ou formación para a mellora da súa ocupabilidade tendo en conta as características do mercado de traballo e o perfil profesional das persoas demandantes a través da: atención personalizada, motivación persoal e profesional, deseño de itinerarios personalizados de inserción, asesoramento e axuda técnica para a elaboración do CV, recursos e ferramentas para a procura activa de emprego, información e asesoramento sobre o mercado de traballo e as políticas activas de emprego, oferta formativa e programas que faciliten a mobilidade para a formación e cualificación europeas, e información e asesoramento sobre os recursos de apoio para a posta en marcha de proxectos emprendedores ou de autoemprego.


A cabalgata de Papá Noel visitará cada recuncho de Neda para que todos os nenos poidan desfrutala desde os seus fogares

Papá Noel adiantará unhas horas a súa chegada á comarca para ver a todos os nenos e nenas de Neda. O Concello non renuncia á súa clásica cabalgata, que levará por todo o municipio, neste Nadal diferente, un pouco de ilusión aos máis pequenos da casa. O desfile adáptase á nova realidade e busca que os cativos poidan gozar desde os seus fogares do paso do lendario personaxe que, un ano máis, chegará cargado de agasallos.

Neda cumprirá a tradición e a carroza de Papá Noel e os seus paxes percorrerá de punta a punta a localidade durante a tarde do xoves 24 de decembro. O obxectivo; que ningún neno quede sen ver “ao home de vermello”, aínda que sexa a certa distancia.
 
E así, o desfile arrincará ás 15 horas ata chegar a cada recuncho da localidade, indo a comitiva acompañada por efectivos da Policía Local e Protección Civil, que anunciarán coas súas luces e sirenas o paso. Deste xeito, será fácil que os nenos saiban cando deben saír ás xanelas, ao balcón ou ao exterior das súas vivendas -neste caso coa preceptiva máscara- para saudar a Papá Noel.
 
O reto marcado polo goberno local, organizador da cabalgata, pasa por que os meniñ@s gocen do paso da carroza desde a súa propia vivenda, sen necesidade de desprazarse, nin aglomerarse nas rúas. En definitiva, en lugar de saír na busca da comitiva, será esta a que, dalgún modo, os busque a eles.
 
Deste xeito, Neda garante a preservación, cumprindo as medidas de seguridade fronte á covid-19, dunha das citas máis arraigadas do seu Nadal. Non en balde, a cabalgata de Papá Noel da vila foi unha das primeiras en celebrarse en toda a comarca.

<<  Anterior  | 1  | 2  | 3  | 4  | 5  | Seguinte  >> 



Axenda


Cabalgata dos Reis Magos. Partirá ás 10 horas da rúa Valle Inclán. Consulta itinerario e horarios aproximados na sección noticias

Espectáculo infantil con pompas xigantes de xabón este domingo ás 18,30 horas a cargo de Malasombra. Será no salón de actos da Casa da Cultura. Venda de entradas entre o lunes 21 e o mércores 23 na Casa da Cultura. Público infantil: 1 euro; adultos: 2 euros

Concerto de Nadal. Quinteto InVento actuará no salón de actos da Casa da Cultura a partir das 20 h, con aforo reducido e entradas á venda a 2 euros dende o luns 14 e ata o venres 18 na Casa da Cultura (de 11 a 13 e de 16 a 20 h)

Gala benéfica co monologuista Miguel Sincero no polideportivo do Roxal para recoller xoguetes e alimentos para as familias con menos recursos. Entrada: 2 euros

A compañía Galeatro representa a partir das 12,30 horas no salón de actos da Casa da Cultura a obra "O camiño da lingua". Reserva de entradas chamando ao 981 38 00 39 ata o venres 27 na Casa da Cultura
<<  Previous | 1  | 2  | 3  | 4  | 5  | Next  >> 

Tramites online