Novas


O CURSO DE PRIMEIROS AUXILIOS IMPARTIRASE MAÑÁ VENRES A ALUMNOS DO CEIP MACIÑEIRA DE NEDA

Neda, 22 de Novembro de 2018.- Un grupo de 28 escolares do CEIP Maciñeira de Neda tomará parte mañá venres (día 23) no curso de Primeiros Auxilios organizado polo Concello e que será impartido pola Asociación de Buceo Medioambiental Los Delfines. A actividade desenvolverase en horario escolar, de dez a doce do mediodía. O programa vai dirixido a estudantes de 3º e 6º de Primaria e ten como obxectivo instruír aos nenos e nenas para que saiban actuar en casos de emerxencia. Mostrarlles o funcionamento dun desfibrilador e como facer uso dun moneco de reanimación (RCP) tamén forma parte dos contidos prácticos aos que terán acceso os participantes. O curso xa se levou a cabo no colexio San Isidro e en próximas datas darase tamén no IES Fernando Esquío.



O ALCALDE DE NEDA, ÁNGEL ALVARIÑO, RECIBIRÁ O DÍA 4 DE DECEMBRO O PREMIO “ÁRTABROS” DE SOCIEDADE

Neda, 22 de Novembro de 2018.- O periódico dixital Galicia Ártabra vén de conceder ao alcalde de Neda, Ángel Alvariño Saavedra, o premio “Ártabros” de Sociedade, que o rexedor municipal recibirá o próximo día 4 de decembro no transcurso dunha gala que se celebrará no hotel Carrís Almirante. O xurado recoñece en Alvariño Saavedra “o carisma persoal e político das personaxes públicas que sempre están na procura do benestar dos demais, que buscan o diálogo e que reciben o apoio unánime da sociedade”. O alcalde de Neda mostrábase onte moi agradecido por recibir un galardón “no que están representados todos os veciños de Neda” e porque tamén axuda a “darlle visibilidade ao importante labor social que se fai desde os concellos”. Nesta séptima edición dos premios “Ártabros” foron concedidos 13 galardóns entre un total de oito categorías. -Aniversarios: Fundación Exponav (X aniversario), Club de Remo Ares (LX Aniversario) e Agrupación de Voluntarios de Protección Civil Ferrol (XXV Aniversario). -Cultura: Jesús Basterrechea (edil de Cultura de Ferrol) e Miguel Brotóns Pérez (compositor e profesor de música). -Servizos á sociedade: Ángel Alvariño Saavedra (alcalde de Neda) e Servizo de Prevención, Extinción de Incendios e Salvamento-SPEIS (Narón). -Deportes: Delegación Ferrolana do Comité de Árbitros.-Por entrega aos demais: José Manuel Rey Varela (Exconcelleiro de Política Social da Xunta de Galicia). -Emprendedores: Luis González Rey (presidente da Asociación de Jóvenes Empresarios-AJE).-Empresa do ano: Hospital Juan Cardona. -Defensa dos interese de Ferrol: José Manuel Vilariño Anca (presidente da Autori



NEDA ORGANIZA PARA ESTE VENRES (DÍA 23) A MARCHA POLO BO TRATO DENTRO DA CAMPAÑA “EN NEGRO”

Neda,  21  de  Novembro  de  2018.- O Concello  de Neda  participa  por  segundo  ano  consecutivo na  Campaña  en Negro contra  as Violencias,  o que a nivel local  dará lugar  á Marcha  polo  Bo Trato prevista para este venres  (día 23) e á representación  o  sábado  (día 24) da obra  “Gaiola”  polo grupo El Ruiseñor de Culleredo, na Casa da Cultura, a partir das 20.30 horas.

 

A corporación  municipal  anima  á  veciñanza  a  participar  nos  actos  e mesmo  a  vestir de negro os  establecementos  e lugares  de traballo  para  poñer  de manifesto  “o rexeitamento  de todas  as formas  de  violencia  contra  as  mulleres”.  Segundo  cifras  oficiais,  desde  o  ano  2008  foron  rexistrados 619 asasinatos  machistas  no  conxunto  do Estado  e 43 en Galicia  e, no  que vai de  ano,  a violencia machista acabou coa vida de 10 menores.

 

A Marcha  polo  bo  Trato  dará comezo  ás  10.30 horas  no  albergue  de peregrinos  e discorrerá polo  paseo  marítimo  ata  o Concello  de Neda. Neste emprazamento  e sobre as once  da mañá intervirán  nenos  e  nenas  dos  CEIPs  San  Isidro e  Maciñeira,  así  como  estudantes  de Secundaria do IES Fernando Esquío  para manifestar  a  súa  repulsa  á  violencia  machista  a través de diferentes textos. 

 

O acto  rematará coa  lectura  dun  manifesto  e a  solta  de globos  negros  en  memoria  das mulleres e nenos  asasinados.  Desde a  concellería  de Servizos Socias  invítase  aos  asistentes  á marcha a vestir de negro e a levar paraugas da mesmo cor. En  canto  á  obra  de teatro,  Gaiola  é unha  peza  que,  escrita  e dirixida por  Susana  Crespo, conta o  trastorno  mental  dunha  muller, traumatizada,  tras anos  de abusos  continuos,  primeiro como testemuña  e logo  nas  súas propias  carnes. 

O secretismo  e a submisión  da súa  nai,  leva a nosa protagonista  a  pasar  a  maior  parte  da súa  infancia  encerrada para  evitar a  ira  do  seu  proxenitor, causando  nela  inseguridade  e  medo  a  enfrontarse  ao  mundo  que  a  rodea. A  súa  fraxilidade  mental e trastorno de personalidade conducirana por un camiño de vida ou morte sen retorno....



O GOBERNO DE NEDA PIDE A SANIDADE MEDIDAS PARA CORRIXIR OS PROBLEMAS QUE AFECTAN AO CENTRO DE SAÚDE

Neda, 20 de Novembro de 2018.- O goberno de Neda faise eco das queixas que se están a producir entre os usuarios do centro de saúde da localidade polos problemas que xeneran as baixas dos facultativos non cubertas e a falta de previsión con respecto ás substitucións, entre outros. Así o pon de manifesto o alcalde, Ángel Alvariño Saavedra, a través da carta que vén de dirixir ao conselleiro de Sanidade da Xunta de Galicia, Jesús Vázquez Almuíña, e á que o executivo local espera obter unha rápida resposta. O rexedor de Neda alude no seu escrito ás consecuencias que están a afectar aos veciños que, segundo Alvariño Saavedra, tradúcense “nunha inferior calidade na atención e uns atrasos e esperas imposibles de xustificar”, ademais da saturación de traballo para o persoal do centro por non poder abarcar a cantidade de usuarios que lles corresponden. A todos estes inconvenientes cabe engadir, segundo o alcalde, a conxestión que tamén se está a dar no Punto de Atención Continuada de Narón, que atende as urxencias e que está a presentar o mesmo problema. Ángel Alvariño demanda do titular de Sanidade que adopte as medidas oportunas para solucionar esta situación que, “como representante do Concello, estou obrigado a solicitar e se está a repetir con demasiada frecuencia”.



Xornada de portas abertas de Orientación Laboral 29 Novembro 12:00


<<  Anterior  | 1  | 2  | 3  | 4  | 5  | Seguinte  >>