Novas


O PROGRAMA LER CONTA MOITO ARRINCARÁ O LUNS COA PRIMEIRA DAS CATRO ACTIVIDADES PREVISTAS PARA O FOMENTO DA LECTURA

 Neda, 13 de setembro de 2017.- O Concello de Neda participa no programa Ler Conta Moito, unha iniciativa da Consellería de Cultura, Educación e Ordenación Universitaria para fomentar a lectura e dinamizar as bibliotecas públicas. Un total de catro actividades, entre os días 18 de setembro e 14 de outubro, pasarán este ano polas instalacións da Casa da Cultura para que todo o alumnado dos centros públicos San Isidro e Maciñeira poida acercarse ás historias que se contan nos libros dunha forma sinxela e divertida. O Concello recibe unha axuda autonómica de 825 euros para a organización dos actos. 

A programación arrincará o próximo luns coa función de Divermaxia “A illa dos nenos”, na que o mago Paco sorprenderá aos pequenos de Primaria cun espectáculo no que mestura maxia, humor e tradición oral. A cita será ás 12.00 horas. A segunda convocatoria, que será o día 25 de setembro, tamén vai dirixida ao alumnado de Primaria. Trátase do espectáculo “Romaría”, que recolle a narración oral, onde os rapaces toman contacto coas lendas máis tradicionais do mundo rural da man da contacontos Raquel Queizás.  O programa Ler Conta Moito volve a ter como destino a vila de Neda o luns día 2 outubro coa obra “Lobo Lobo”, a cargo da compañía Elefante Elefante. Neste caso, a actividade está pensada para alumnos dos tres primeiros cursos de Educación Infantil. A última cita, prevista para o día 14 de outubro, cambia de horario pero non de lugar. Será ás  18.00 horas na Casa da Cultura. Vai dirixida a nenos e nenas con idades comprendidas entre cero e tres anos e correrá a cargo de Charo Pita, que representará a obra “O curral de Cocoricoricó”, un lugar no que pasan cousas moi raras pero que ningún animal quere contar.



Viaxe a Cantabria e Covandonga, inscripción nas oficinas do Concello, prazas limitadas



O CONCELLO ANIMA Á VECIÑANZA A COLABORAR PARA TER CONTROLADA A PRESENZA DA VELUTINA NO MUNICIPIO

Neda, 12 de setembro de 2017.- O goberno de Neda anima á veciñanza a colaborar co Concello para, se non erradicar, ter controlada no posible a presenza da velutina no término municipal.
Unha chamada ao 112 ou ao teléfono do Concello (981 380 039) para advertir da existencia dun niño son pequenos xestos individuais que van en beneficio de todos e mesmo tamén do medio ambiente, tal e como se explica desde o executivo local. Este ano o Concello investiu 3.000 euros na compra de dous traxes e unha pértiga de máis de 25 metros para destruír os niños, ademais de contar coa axuda de dúas persoas que de maneira desinteresada se veñen facendo cargo dos traballos que non poden ser realizados polos servizos da Xunta de Galicia.
O alcalde de Neda, Ángel Alvariño Saavedra, asegura que “canto máis se actúe neste sentido menos velutina haberá, o que será mellor para todo o mundo”.



O CONCELLO DE NEDA CONTRATA OBRAS DE ASFALTADO EN QUENTE EN MÁIS DE 4300 METROS LINEAIS DE CAMIÑOS DE ANCA

 Neda, 11 de setembro de 2017. O Concello de Neda acaba de contratar á empresa Cerne SL para intervir en 4.331 metros lineais de asfaltado na parroquia de Anca, unha actuación que o equipo de goberno valora porque representa substituír os actuais pavimentos a base de rego asfáltico por unha mistura bituminosa en quente de cinco centímetros de grosor.

A inversión contratada ascende a algo máis 87.700 euros, cantidade que será aportada entre a administracion local e a Deputación da Coruña. Os traballos darán comezo no cuarto trimestre do presente ano, segundo apuntan as previsións.

O proxecto inclúe actuacións nos camiños de Os Cobos-Corredoira (765 metros), Corredoi­ra-Vila de Anca (1.033 metros), Vila de Anca-AC-121 (770 metros), Vilar-Lobeira (440 metros), Fra­guela (95 metros), Fontevella-Pedrós (1.060 metros) e cemiterio de Anca (168 metros).

Con esta intervención, o executivo local pretende darlle unha solución case permanente no tempo á rede viaria dunha zona cun elevado grao de dispersión e tamén rebaixar os gastos de mantemento que se derivan das condicións actuais do firme.



CURSO DE BÚSQUEDA DE EMPREGO ATRAVÉS DE INTERNET

INFORMACIÓN:

Duración do curso 16 hroas

Tres días á semna de 16.30 a 18.30.

 Os obxectivos do cursos son:

-       Deseñar un perfil e obxectivo profesional Dinámicas de grupo. (necesario para CV e carta de presentación).

-       Familiarizarse con conceptos básicos de búsqueda de emprego (CV, cartade presentación, portal de emprego, etc.)

-       Abordar dun xeio optimo una candidatura telemática (redactar bo e-mail, adxuntar  arquivos, usar as contas axeitadas,… etc.)

-       Coñecer os portais públicos e privados de búsqueda de emprego e os recursos que nos ofrecen, así como as webs de organismos públicos e outras páxinas de interese.

-        Aproveitar as redes sociais e profesionais eas aplicacions móviles, apps

-       Búsqueda de información sobre os posto e as empresas que ofrecen emprego e utilizar bases de datos empresariais.


<<  Anterior  | 1  | 2  | 3  | 4  | 5  | Seguinte  >> 

Axenda


Teatro na Casa de Cultura

 Domingo 24 de setembro ás 18.30 h na Casa da Cultura. Ciclo de Teatro en Familia.
Danza da Choiva da Compañía Elefante Elegante. Espectáculo familiar de danza e monicreques. Recomendado a partir de 3 anos. 
Premio de Teatro María Casares 2017 ao Mellor Espectáculo Infantil.
Prezo entrada adultos 2 €, infantil 1 €. Billeteira aberta o venres de 10 a 13 e de 16 a 20 h e o domingo ás 17.00 h.

Tramites online