Novas


BAUTISMO DE BUCEO

Bautismo de buceo para os máis novos na Piscina Municipal de Neda. Comezo o día 2 de Agosto. Colabora o Concello de Neda. Inscrición ata o 30 de Xullo chamando ó teléfono 634940697



Campaña para aprender a reciclar da Xunta de Galicia "Separa Ben"

Hoxe luns día 27, entre as 10:00 h., e as 14:00 h. na Praza do Concello de Neda, estará a Aula Móvil da Xunta de Galicia "Separa Ben", dentro da campaña de promoción da reciclaxe de xestión de residuos.



OS BOLECHAS na CASA DA CULTURA de NEDA

 Este Domigo 26 de Xullo ás 12:00h "OS BOLECHAS" na CASA DA CULTURA. Entrada libre. Podedes pasar a recoller as vosas invitacións na Casa da Cultura.

 



Neda acolle a catrocentos cincuenta pelegríns franceses

Neda agarda a chegada á nosa Vila de catrocentos cincuenta pelegríns franceses este sábado ás 19:30h.

O Concello pon á súa disposición o Pavillón Polideportivo de Neda.



AGA, a Asociación Galega de Apicultores, colabora co Concello de Neda na erradicación de niños de vespa velutina

A Vespa velutina nigritorax ou avespa asiática é un tipo de vespa orixinario de China, India e Indonesia. Considérase especie invasora en Galicia.

Vespa velutina nigritorax triplica en tamaño á abella europea, pois as mestras chegan a medir 40 mm, aínda que o resto dos individuos non pasan dos 30 mm. Distínguese da avespa autóctona, Vespa Cabro, en que esta ten o tórax vermello e o abdome negro e amarelo, mentres que o abdome da Vespa velutina é negro ou marrón cunha franxa caudal amarela e a cabeza negra coa fronte laranxa. Os extremos das súas patas tamén son amarelos. A Vespa velutina nigritorax é depredador da Apis Mellifera, a abella doméstica, á que mata por decapitación para alimentar con ela ás súas larvas. Tamén devoran as crías de abella dentro da colmea. Aniñan no alto das árbores en colonias de máis de mil individuos.

En Europa detectouse a presenza da Vespa velutina nigritorax trala chegada dunha colonia nun barco mercante ó porto de Bordeos no ano 2005. A partir dese momento expandiuse por máis de 30 departamentos de Francia, con especial incidencia na rexión de Aquitania. En novembro de 2010 foi detectada a súa presenza en Guipúscoa. En Galicia detectouse por vez primeira en Burela no ano 2012, espallándose despois por outras zonas costeiras principalmente. A principios del 2013 déronse avisos en Lobios (Ourense), As Neves, Ponteareas e Lira (Pontevedra). Ameaza a supervivencia das poboacións de abellas autóctonas, polo que a Xunta puxo en marcha un programa de eliminación.

Na zona de orixe da Vespa velutina nigritorax a abella máis común, a Apis Cerana, desenvolveu un método de defensa consistente en agruparse arrodeando ás avespas intrusas para elevar a temperatura do seu corpo ata matalas. A abella europea non conta con ese método de defensa, pero polo que parece as abellas francesas están comezando a aplicalo.


<<  Anterior  | 96  | 97  | 98  | 99  | 100  | Seguinte >>